Taflmennska í fyrstu deild Íslandsmót skákfélaga hófst í kvöld í Rimaskóla. Fjölnismenn hefa snemmbúna forystu en þeir snýttu b-sveit Hugins allhressilega með stórsigri, 7½-½ sem eru miklu stærri sigur en búast mátti við miðað við styrkleikamun sveitanna.
Íslandsmeistar Víkingaklúbbsins hófu titilvörnina með 5½-2½ sigri á Taflfélagi Reykjavíkur. Skákfélagið Huginn vann Taflfélag Garðabæjar.
Önnur úrslit urðu þau þau að Skáksamband Breiðabliks, Bolungarvíkur og Reykjaness vann Skákdeild KR 7-1 og eru í öðru sæti. Skákfélag Akureyrar gerði 4-4 jafntefli við b-sveit Taflfélags Reykajvíkur.
Öll úrslit dagsins má finna á Chess-Results.
Önnur umferð fer fram á morgun (föstudag) og þá hefst einnig taflmennska í 2.-4. deild.
Spá ritstjóra Skák.is um gang mála má finna hér. Umfjöllun á skákhlaðvarpinu um Íslandsmót skákfélaga (og reyndar um heimsmeistaeinvígið einnig) má finna hér.
Séu skoðuð meðalstig sveita í fyrstu umferð eru þau sem hér segir:
| Víkingaklúbburinn | 2466 |
| Huginn-a | 2424 |
| TR-a | 2349 |
| Fjölnir | 2314 |
| TG | 2234 |
| Breiðablik, Bolungarvík og Reykjanes | 2216 |
| SA | 2208 |
| Huginn-b | 2120 |
| TR-b | 2077 |
| KR | 1987 |
Rétt er að taka fram að meðalstig sveita í fyrstu umferð þurfa alls ekki að gefa rétta mynd að styrkleika sömu í komandi umferðum. Auk þess er þekkt að „stig tefla ekki“ :). Meðalstig sveita gefa hins vegar vissulega mikla vísbendingu um styrkleika þeirra.
