Menningarfélagið Miðbæjarskák heldur nú annað árið í röð Skákmót Laugardalslaugar en það var haldið í fyrsta sinn í fyrra. Sigurvegari mótsins var Jón Viktor Gunnarsson en mótið var mjög sterk. Öll úrslit þess má nálgast á chess-results.

Mótið verður haldið á bökkum laugarinnar og uppi á þaki fyrir utan gömlu útiklefana. Þáttaka miðar við 40 manns og lýkur skráningu þegar þeim fjölda er náð. Taflið hefst stundvíslega klukkan 14, og tefldar verða 9. hraðskákir með tímamörkunum 3+2. Mótið verður reiknað til alþjóðlegra hraðskákstiga. Ekkert þáttökugjald. Boðið verður upp á kaffi meðfram mótinu og fá þáttakendur frítt í sund eftir mótið. Þáttekendur mæti tímanlega í afgreiðslu þar sem starfsfólk vísar þeim stystu leið að mótstað.

Veitt verða verðlaun í formi sundkorta, 20 skipta kort í fyrstu verðlaun og 10 skipta kort í önnur og þriðju verðlaun. Efstu þrjú ungmennin 17 ára og yngri fá einnig 10 skipta kort í sund, en kortin gilda í allar sundlaugar í Reykjavík.

Miðbæjarskák þakkar Laugardalslaug kærlega fyrir samstarfið í fyrra og vonandi gengur enn betur í ár. Það var nefnilega dálítið kalt í fyrra!

Skráningarform 

Þegar skráðir keppendur 

Nokkrar myndir frá mótinu í fyrra

 

- Auglýsing -