Norway Chess hófst með miklum látum í gær þ.e. með fimm jafnteflum í kappskákunum! Það þýddi að allar skákirnar fóru í bráðabana og þar var heldur betur handagangur í öskjunni og t.d. í skák Aronian og Grischuk flug mennirnir um borðið. Hvítum gekk betur og fjórar skákir unnust á hvítt. Það var aðeins, sigurvegari hraðskákmótsins, MVL sem tapaði með hvítu og fékk yfir sig athugasemd frá heimsmeistaranum sem lagði Anand að velli í bráðabananum.
Carlsen: „It’s also a bit strange that Maxime fought so hard to get a good starting number, then he played something so dry.“ #NorwayChess
— Tarjei J. Svensen (@TarjeiJS) June 4, 2019
Góða umfjöllun um fyrstu umferð má lesa á Chess.com.
Staðan eftir fyrstu umferð
Önnur umferð hefst kl. 15 í dag. Carlsen mætir þá Aronian.
Fyrirkomulag mótsins
Fyrirkomulag mótsins er afar óvenjulegt. Tímamörkin er miklu hraðari en hefðbundið er. Keppendur á 2 klukkustundir á alla skákina og 10 sekúndur á leik eftir 40 leiki. Tímastjórnun er því afar mikilvæg.
Sé niðurstaðan jafntefli niðurstaðan verður tefldur bráðabani (armageddon) þar sem teflt er með sömu litum og í kappskákinn. Hvítur fær 10 mínútur en svartur fær sjö mínútur. Viðbótartími (3 sekúndur) kemur eftir 60 leiki. Jafntefli telst sem sigur fyrir svartan.
Stigagjöf er sem hér segir:
- Sigur í kappskák: 2 stig
- Jafntefli í kappskák og sigur í bráðabana: 1,5 stig
- Jafntefli í kappskák og tap í bráðabana: 0,5 stig
- Tap í kappskák: 0 stig
