Faxafen 12
108 Reykjavík
Ísland
Heimsbikarmótið í skák fer fram í Sochi í Rússlandi í júlí-ágúst. Þegar er ljóst að Ísland á þar a.m.k. einn fulltrúa, Hjörvar Stein Grétarsson, sem ávann sér keppnisrétt með sigri í Íslandsbikarnum.
Þann 24.-30. maí fer fram Evrópumótið í netskák. Á því eru í boði 36 sæti á Heimsbikarmótið. Þar eru skráðir til leiks þrír íslenskir stórmeistarar; Héðinn Steingrímsson (2510), Guðmundur Kjartansson og Helgi Áss Grétarsson (2441). Allir íslensku keppendurnir tefla í húsnæði Skáksamband Ísland undir eftirliti myndavéla og skákstjóra.
Teflt er eftir útsláttarfyrirkomulagi og til að komast á heimsbikarmótið þarf sigur í þremur tveggja skáka einvígum þar sem tefld er kappskák. Verði staðan 1-1 verður teflt til þrautar með styttri umhugsunartíma.
Í fyrsta einvíginu, sem fram fer 24. og 25. maí, verða viðureignir íslensku keppendanna sem hér segir:
- GM Héðinn Steingrímsson (2510) – GM Maksim Chigaev (2631), Rússlandi
- GM Helgi Áss Grétarsson (2441) – GM Aleksandr Shimanov (2597), Rússlandi
- GM Guðmundur Kjartansson (2500) – GM Stelios Halkias (2567), Grikklandi
Nánar um mótið þegar nær dregur.
