Landsmótið í skólaskák fer fram með óvenjulegu sniði í ár. Um er að ræða tilraun til eins árs.
Undankeppni fer fram, fimmtudaginn, 19. maí á Chess.com. Úrslitakeppnin fer fram helgina, 28. og 29. maí, við glæsilegar aðstæður í Siglingaklúbbi Kópavogs.
UNDANKEPPNI Á CHESS.COM
Undankeppni á chess.com fer fram fimmtudaginn 19. maí og hefst kl. 18:30.
Teflt er í einu móti þar sem keppt er efstu sætin í tveimur flokkum.
Yngri flokkur 1.–7. bekkur og eldri flokkur 8.–10. bekkur. Mótið er opið öllum krökkum sem eru í grunnskóla.
Tefldar verða níu umferðir. Oddastigaútreikningur Chess.com gildir séu keppendur jafnir.
Umhugsunartími: Fjórar mínútur á skákina með tveimur viðbótarsekúndum á leik.
Skráning
- Vera í hópnum skólanetskák á Chess.com. https://www.chess.com/club/skolanetskak. Þeir sem ekki eru meðlimir þurfa að skrá sig í hópinn fyrir mót.
- Skrá sig í sjálft mótið á Chess.com: https://www.chess.com/play/tournament/3115430. Opnað er fyrir skráningu klukkutíma fyrir mót. Nauðsynlegt er að mæta stundvíslega.
- Æskilegt er að keppendur skrái sig einnig í meðfylgjandi form til að mótshaldarar hafi upplýsingar um alla keppendur: https://docs.google.com/forms/d/e/1FAIpQLSdJBPdA9iNLjsbm6HI-O_TQ32S4pbMj4l9c7NjhhS8on0-kFg/viewform
ÚRSLITAKEPPNIN
Úr undankeppninni úr hvorum flokki komast:
- Fimm efstu frá höfuðborgarsvæðinu.
- Þrír efstu af landsbyggðinni. Landsbyggðarkeppendur fá fararstyrk til að taka þátt í úrslitakeppninni. Landsbyggðin telst svæðið utan stór-höfuðborgarsvæðisins.
- Efsta stúlkan
- Boðssæti. Þegar boðssæti er úthlutað er sérstaklega litið til kynja sjónarmiða sem og árangurs þeirra sem búa langt frá virkum skákfélögum. Æskulýðsnefnd velur hver fær boðssæti
- Ef kalla þarf til varamenn velur æskulýðsnefnd þá.
ÚRSLIT LANDSMÓTS
Úrslit fara fram 28.-29. maí við glæsilegar aðstæður í húsnæði Siglingaklúbb Kópavogs að Naustavör 14. Úrslitin verða tefld í tíu manna flokkum þar sem allir tefla við alla, tíu keppendur í yngri flokki (1.-7. bekkur) og tíu keppendur í eldri flokki (8.-10. bekkur).
Umhugsunartími: 15 mínútur á mann með 5 sekúndna viðbótartíma á leik.
Dagskrá: Laugardagur 12:00 –
Sunnudagur 12:00 –
Verðlaun í eldri flokki:
- Ferðastyrkur á mót erlendis að verðmæti 80.000 kr.
- Ferðastyrkur á mót erlendis að verðmæti 50.000 kr.
- Inneign hjá Skákbúðinni að verðmæti 20.000 kr.
Efsti keppandi af landsbyggð: Inneign hjá Skákbúðinni að verðmæti 20.000 kr.
Verðlaun í yngri flokki:
- Ferðastyrkur á mót erlendis að verðmæti 50.000 kr.
- Ferðastyrkur á mót erlendis að verðmæti 30.000 kr.
- Inneign hjá Skákbúðinni að verðmæti 20.000 kr.
Efsti keppandi af landsbyggð: Inneign hjá Skákbúðinni að verðmæti 20.000 kr.
