Helgi Áss vann Lenku í dag.

Helgi Áss Grétarsson (2460) hefur vinningsforskot eftir áttundu umferð Íslandsmótsins í skák sem fram fór í kvöld í Valsheimilinu. Helgi vann Lenku Ptácníková (2213). Í 2.-4. sæti eru Þröstur Þórhallsson (2416), Hannes Hlífar Stefánsson (2541) og Jón Viktor Gunnarsson (2472). Jón Viktor vann Þröst í innbyrðsskák en Hannes lagði Braga Þorfinnsson (2445) að velli.

Úrslit áttundu umferðar umferðar má finna á Chess-Results.

Lenka, Héðinn Steingrímsson (2583) eru í 5.-6. sæti með 5½ vinning. Lenka er efst í baráttunni um Íslandsmeistaratitil kvenna.

Staða Helga Áss er afar vænleg, þegar aðeins tvær umferðir eru eftir, en Helgi hefur aldrei hampað Íslandsmeistaratitlinum.

Stöðu mótsins má finna á Chess-Results.

Jón Viktor mætir forystusauðnum, Helga Áss, á morgun og gæti heldur betur getur hleypt fjöri í toppbaráttuna með sigri. Stigahæstu menn mótsins, Hannes og Héðinn mætast á öðru borði. Þröstur teflir við Lenku.

Pörun áttundu umferðar má finna á Chess-Results.

Röð efstu manna í verðlaunaflokkum:

Íslandsmót kvenna

  1. Lenka Ptácníková 5½ v.
  2. Guðlaug Þorsteinsdóttir 4 v.
  3. Sigurlaug R. Friðþjófsdóttir 3 v.

Unglingameistaramót Íslands (u22)

  1. Vignir Vatnar Stefánsson 5 v.
  2. Gauti Páll Jónsson 4½ v.
  3. Stephan Briem 4½ v.
  4. Aron Þór Mai 4½ v.
  5. Benedikt Briem 4½ v.
  6. Birkir Ísak Jóhannsson 4½ v.

Besti stigaárangur miðað við eigin skákstig (+2000)

  1. Helgi Áss Grétarsson (+213)
  2. Jóhann Ingvason (+123)
  3. Lenka Ptácníková (+118)

Besti stigaárangur miðað við eigin skákstig (-2000)

  1. Benedikt Briem (+371)
  2. Arnar Heiðarsson (+274)
  3. Hörður Jónasson (+272)
  4. Birkir Ísak Jóhannsson (+266)
  5. Hörður Garðarsson (+217)
  6. Þórður Guðmundsson (+202)

Langflestar skákir morgundagsins verða sýndar beint á vefsíðu mótsins.

Fyrir þá sem eru með snjallsíma og vilja fylgjast með mælir ritstjóri með forritunum (öppunum) Follow Chess og Chess24. Best er þó að mæta á skákstað og drekka í sig stemminguna þar. Frítt kaffi á könnunni og tilvalið að skoða minningarvegginn um Hemma Gunn.