Ivan Sokolv er efstur með fullt hús. Mynd; Heimasíða SA.

Ivan Sokolov (2593) vann Braga Þorfinnsson (2451) í fimmtu umferð opna Íslandsmótsins í skák – Icelandic Open í kvöld. Hollendingurinn hefur fullt hús eftir fimm umferðir. Guðmundur Gíslason (2288) heldur áfram að vinna stórmeistarana og vann Helga Áss Grétarsson (2433) í umferð dagins.

Vignir Vatnar gerði jafntefli við Tægerinn. Mynd, Heimasíða SA.

Vignir Vatnar Stefánsson (2291) gerði jafntefli við sænska stórmeistarann Tiger Hillarp Persson (2563).

Helstu úrsllit fimmtu umferðar:

Öll úrslit fimmtu umferðar má finna á Chess-Results.

Guðmundur Gíslason hefur unnið tvo stórmeistara á mótinu. Mynd; Heimasíða SA.

Guðmundur er annar með 4½ vinning. Fjórir, sem hafa borið Íslandsmeistaratitilinn eru í 3.-6. sæti. Það eru þeir Héðinn Steingrímsson (2549), Þröstur Þórhallsson (2435), Hannes Hlífar Stefánsson (2561) og Guðmundur Kjartansson (2454).

Staða efstu manna:

Mótið er jafnframt Íslandsmót kvenna og unglingameistaramót Íslands (u22). Lenka Ptácníková (2145) er efst á Íslandsmóti kvenna með 3 vinninga, Jóhanna Björg Jóhansdóttir (1908) er önnur með 2½ vinning og Tinna Kristin Finnbogadóttir (1855) er þriðja með 1½ vinning.

Vignir Vatnar Stefánsson (2291) og Pétur Pálmi Harðarson (1847) eru efstir með 3½ vinning á unglingameistaramóti Íslands (u22).  Símon Þórhallsson (2184) og Benedikt Briem (1811) koma næstir með 3 vinninga.

Sjötta umferð fer fram á morgun og hefst kl. 15. Þá mætast efstu menn mótsins Sokolov og Guðmundur Gíslason. Hannes teflir við Guðmund Kjartansson og Héðinn mætir Þresti.

Helstu viðureignir sjötta umferðar:

Röðun 6. umferðar í heild sinni má finna á Chess-Results.

- Auglýsing -