Í gær lauk Superbet mótinu í Búkraest í Rúmeníu. Mótið var fyrsta mótið í Grand Chess Tour 2021. Aserski Íslandsvinurinn, Shakhriyar Mamedyarov (2770) kom sá og sigraði. Shakh hlaut 5½ vinning í umferðunum níu. Gerði sjö jafntefli en vann tvær skákir. Mikið var annars um jafntefli á mótinu og var landi Mamedyrarov Teimour Radjabov (2765) sérstaklega gagnrýndur fyrir litlausa taflmennsku.
Wesley So (2770), Levon Aronian (2781) og Alexander Grischuk (2776) urðu í 2.-4. sæti með 5 vinninga.
Nánar má lesa um mótið á Chess.com.
Dagana 18.-22. júní fer fram annað mótið í syrpunni. Þá fer fram at- og hraðskákmót í París. Mamedyarov er þar ekki meðal keppenda. Rússarnir Ian Nepomniachtchi og Vladimir Kramnik eru hins vegar meðal keppenda.
- Heimasíða mótsins
- Beinar útsendingar (hefjast kl. 12)
- Auglýsing -
