Við höldum áfram með Ólympíufarinn fyrir Ólympíuskákmótið sem hefst 16. september í Samarkand í Úsbekistan. Í dag skoðum við Hrund Hauksdóttir sem teflir á sínu öðru ólympíuskákmóti.
Nafn og hlutverk
Hrund og ?
Gukesh eða Sindarov?
Sindarov
Félag?
Fjölnir
Kaffi eða te? Og ef kaffi – drekkur þú jafn mikla mjólk með kaffinu og Helgi Ólafsson?
Hvorugt – er þetta trikk spurning og Helgi drekkur svart? 🤔
Hvernig er þínum undirbúningi (skáklegum, andlegum og líkamlegum) háttað fyrir Ólympíumótið nú?
Skáklega hef ég verið að tefla í sumar og reyna skerpa á byrjununum mínum. Reyni að hreyfa mig reglulega og passa svefninn.
Hvað lið verður í öðru sæti í ensku úrvalsdeildinni á eftir Arsenal?
Hull tekur silfrið – heyrðuð það fyrst hér
Bókin á náttborðinu?
Nobody‘s fool eftir Harlan Coben – Hún hefur reyndar legið á þar síðan í fyrra, og ég á enn eftir að byrja á henni. 🙃
Hversu oft hefur þú farið á Ólympíuskákmót?
Þetta verður mitt annað Ólympíumót
Hvað er það fyrsta sem þú setur í ferðatöskuna?
Kannski verður það bara bókin af náttborðinu 🤷🏼♀️
Hvað er það síðasta sem þú horfðir á Netflix (eða annarri sjónvarpsveitu)?
Ég er soldill true crime fan svo síðasta sem ég horfði á var The Pastors Wife.
Hversu leiðinleg er rapptónlist?
Hún getur alveg verið ágæt
Þinn uppáhalds taflmaður og af hverju?
Held það verði bara að vera Drottningin – segir sig sjálft 👸
Hver var besti árangur Úsbeka á Ólympíuskákmóti áður en þeir unnu gullið árið 2022?
Veit ekki, Brons-ið ?
Úsbekistan og Lichtenstein eru einu löndin sem eiga eitt sameiginlegt. Getur þú ímyndað þér hvað það er?
Eitthvað landfræðilegt, hvað þau eru langt frá sjó – land á milli í sjó, eða eitthvað svoleiðis
Hverja telur þú líklegasta til sigurs á Ólympíuskákmótinu í opnum og kvennaflokki?
Heimamenn í opna og kannski Kína í kvenna
Buettner, Rosenstein eða Turlov?
Megi sá besti taka sigurinn!
Uppáhaldsskák?
Hmmm 🤔
Hafa Úsbekar átt heimsmeistara í skák?
Nei?
Hvað er skemmtilegasta/erfiðasta við 11 umferðir á Ólympíuskákmóti?
Skemmtilegast er að fá að tefla við alls konar andstæðinga frá ólíkum löndum, vera hluti af liðinu og upplifa stemninguna og andrúmsloftið á svona móti.
Erfiðast gæti líklega verið að gleyma síðustu skák og einbeita sér að þeirri næstu, sérstaklega eftir vonda tapskák. En sem betur fer þekki ég það ekki mjög vel 😜
Helsta fyrirmynd í lífinu og/eða skák?
Ég á enga sérstaka fyrirmynd, en amma kæmist líklega næst því. Hún tók lífinu aldrei of alvarlega, sem mér finnst góður eiginleiki.
Þitt markmið á mótinu?
Reyna njóta þess að tefla, tefla vel og vonandi fylgja þá úrslitin með.
Aukamarkmið: Að byrja á bókinni góðu!
Að lokum?
Áfram Ísland og muna taka legs líka, ekki bara hendur (nefni engin nöfn) 💪
