Úrslitakeppni Íslandsmótsins í atskák fór fram á Tornelo-skákþjóninum í gær. Svo fór að Hjörvar Steinn Grétarsson vann sigur á mótinu. Hans fjórði Íslandsmeistaratitill á árinu og alla hefur hann unnið heiman frá sér! Hjörvar vann Guðmundur Kjartansson í úrslitum, Jóhann Hjartarson í undanúrslitum og Vigni Vatnar Stefánsson í átta manna úrslitum.
Jóhann og Arnar E. Gunnarsson urðu jafnir í 3.-4. sæti.
Mótstaflan
Aukaverðlaunahafar
Aukaverðlaunahafar urðu sem hér segir: Fengu 10.000 kr. úttekt hjá Heimiltækjum eða Tölvulistanum.
- Kvennaflokkur – Lenka Ptácníková
- Öldungaflokkur (+65) – Áskell Örn Kárason
- Unglingaflokkur (u16) – Benedikt Briem
- Unglingaflokkur (u12) – Guðrún Fanney Briem
- Stigaverðlaun (2001-2200) – Alexander Oliver Mai
- Undir 2000 – Gunnar Freyr Rúnarsson
Mótin á Tornelo
Skákir mótsins
Skáksjónvarpið lét sig ekki vanta og voru Björn Ívar Karlsson og Ingvar Þór Jóhannesson með beina lýsingu á meðan úrslitakeppninni stóð. Útsendingina má nálgast hér í tveimur hlutum.
Skákstjórar voru Gunnar Björnsson og Tómas Veigar Sigurðarson.
