Skákdeild Breiðabliks Íslandsmeistari barna- og unglingasveita

Skákdeild Breiðabliks er Íslandsmeistari barna- og unglingasveita sem fram fór í gær í skákhöllinni, Faxafeni 12. Vegna sóttvarnatakmarkanna þurfti að skipta mótinu upp í a- deild (þar sem bestu liðin tefldu) og b-deild (þar sem óreyndari til tefldu). Níu lið tóku þátt í a-deildinni en Akureyringar þurftu því að hætta við þátttöku vegna slæmrar veðurspár.

Vitað var spenna yrði mikil í a-deildinni á milli Skákdeildar Breiðabliks og ríkjandi Íslandsmeistara Taflfélags Reykjavíkur. Sveitirnar mættust í 3. umferð og þar fór svo að Breiðablik vann 3-1 sigur.

Segja má að sigurinn hafi lagt grunninn að sigri Blika en þegar uppi stóð munaði 2½ á milli sveitanna. B-sveit Blika endaði í þriðja sæti aðeins vinningi á eftir TR.

Það segir margt um sterka stöðu Breiðabliks að sveitir frá þeim enduðu í 3.-5. sæti.

Lokastaðan í Chess-Results.

Sveit Íslandsmeistarara Breiðabliks skipuðu:

1. Benedikt Briem 7 v. af 8
2. Gunnar Erik Guðmundsson 8 v. af 8
3. Matthías Björgvin Kjartansson 8 v. af 8
4. Mikael Bjarki Heiðarsson 6 v. af 8

Liðsstjóri var Birkir Karl Sigurðsson.

Silfursveit Taflfélags Reykjavíkur skipuðu

1. Benedikt Þórisson 6½ v. af 8
2. Ingvar Wu Skarphéðinsson 6½ v, af 8
3. Adam Omarsson 6 v. af 7
4. Iðunn Helgadóttir 7 v. af 8

Bronssveit b-sveitar Breiðabliks skipuðu:

1. Þorsteinn Jakob Þorsteinsson 6 v. af 8
2. Tómas Möller 6½ v. af 8
3. Jóhann Helgi Hreinsson 5 v. af 8
4. Sigurður Páll Guðnýjarson 8 v. af 8

Lokastöðuna má á Chess-Results

Í b-deild þurfti að skipta í tvo riðla vegna 50 manna samkomutakmarkanna. Efstu sveitirnar úr hvorum riðli tefldu til úrslita en sveitirnar sem enduðu í öðru sæti í sínum riðli fengu báðar brons.

Svo fór að b-sveit Fjölnis og d-sveit TR unnu undanrásariðla og tefldu til úrslita Þar vann b-sveit Fjölnis öruggan 6-2 sigur og var þar með Íslandsmeistari í b-deild.

B-sveit Fjölnis skipuðu

1. Tristan Fannar Jónsson
2. Emil Kári Jónsson
3. Sindri Snær Hjaltason
4. Theódór Eiríksson
5. Ómar Jón Kjartansson

Hér má finna hinar verðlaunasveitirnar í b-deildinni, B-sveit TR, G-sveit Breiðabliks og C-sveit Fjölnis.

• Úrslitakeppnin í Chess-Results
• A-riðillinn í Chess-Results
• B-riðillinn í Chess-Results

Mótshaldið var samvinnuverkefni Taflfélags Garðabæjar og Skáksambands Íslands. Yfirdómari var Páll Sigurðsson en ásamt honum önnuðust Ingibjörg Edda Birgisdóttir, Stefán Steingrímur Bergsson og Gunnar Björnsson skákstjórn.