Íslandsmótið í skák hófst í dag. Landsliðsflokkur fer fram í Álftanesskóla en áskorendaflokkur fer fram í skákhöll TR. Landsliðsflokkur hófst með því að Björg Fenger, varaforseti bæjarstjórnar og formaður íþrótta- og tómstundaráð Garðabæjar lék fyrsta leikinn fyrir í viðureign stórmeistarana Braga Þorfinnssonar og Hjörvars Steins Grétarssonar vopnuð einnota hanska. Þeir yfirgáfu sætin rétt á meðan til að tryggja tveggja metra regluna! 
Mótshaldið er samvinnuverkefni Skáksambands Íslands og Taflfélag Garðabæjar sem fagnar 40 ára afmæli í ár.
Allar umferðir hefjast um kl. 15 nema lokaumferðin.
- Heimasíða mótsins
- Mótið á Chess-Results
- Beinar útsendingar
- Beinar útsendingar (Chess24)
- Bein lýsing í umsjón Ingvars Þór (hefst um kl. 16-16:30 alla daga)
Áskorendaflokkurinn
Áskorendaflokkurinn fer fram í skákhöll TR, Faxafeni 12. Jóhanna Björg Jóhannsdóttir, varaforseti SÍ, setti mótið og fór yfir grímunotkun í leiðinni! 38 keppendur taka þátt í mótinu sem verður að teljast prýðisþátttaka í ljósi skamms fyrirvara á mótshaldinu.
Helgarumferðir hefjast kl. 15 en umferðir á virkum dögum hefjast kl. 18. Lokaumferðin hefst kl. 13.
Fjögur efstu borðin eru sýnd beint í hverri umferð.
