Sveinatunga í Garðabæ er keppnisstaður Skákþings Íslands 2020. Óhætt er að lofa glæsilegum aðstæðum.

Skákþing Íslands fer fram í Garðabæ þennan veturinn. Teflt verður við glæsilegar aðstæður í Sveinatungu við Garðatorg.

Sérstök heimasíða hefur verið sett upp fyrir Skáþingið (alla flokka) og má finna hér. Tengil á heimasíðuna má ávallt finna af forsíðu Skák.is.

Mótið er haldið sameiginlega af Skáksambandi Íslands og Taflfélagi Garðabæjar sem fagnar 40 ára afmæli í ár.

Íslandsmót kvenna

Veislan hefst með Íslandsmóti kvenna sem fram fer 27. febrúar – 3. mars. Skipt er í tvo flokka, landsliðsflokk kvenna (+1600) og áskorendaflokk kvenna (öllum opið).

Skráning hefur farið vel af stað og nú þegar eru sex skákkonur skráðar til leiks í landsliðsflokki kvenna. Farið hægar af stað í áskorendaflokki en vonandi á skráningin þar eftir að taka við sér. Sjá nánar hér.

Skráningarfrestur rennur út þann 13. febrúar í landsliðsflokki kvenna en þann 20. febrúar í áskorendaflokki kvenna.

Landsliðsflokkur

Einn sterkasti landsliðsflokkur sögunnar verður haldinn í Garðabænum 27. mars – 5. apríl. Af tíu keppendum eru sjö stórmeistarar! Meðalstigin eru 2429 skákstig!

Það má búast við harðri baráttu en Íslandsmeistaratitilinn tryggir meðal annars sæti í ólympíuliði Íslands í Moskvu í ágúst nk.

Keppendalisti landsliðsflokks

Nr.   Nafn Stig Félag
1 GM Hjörvar Grétarsson 2586 Huginn
2 GM Hannes H Stefánsson 2529 Huginn
3 GM Jóhann Hjartarson 2524 Víkingaklúbburinn
4 GM Héðinn Steingrímsson 2509 Fjölnir
5 GM Henrik Danielsen 2504 SSON
6 IM Guðmundur Kjartansson 2453 TR
7 GM Bragi Þorfinnsson 2430 SSON
8 GM Helgi Áss Grétarsson 2403 TR
9 FM Vignir Vatnar Stefánsson 2323 Breiðablik, Bolungarvík og Reykjanes
10 Gauti Páll Jónsson 2027 TR

 

Áskorendaflokkur 

Áskorendaflokkur fer fram samhliða landsliðsflokki, 27. mars – 5. apríl, og má gera ráð fyrir að hann verði í sterkara lagi vegna þess hversu landsliðsflokkur er sterkur.

Áskorendaflokkur er opinn fyrir alla aðra en þá sem tefla í landsliðsflokki.

DAGSKRÁ
Dags. Vikud. Umferð Tími
28-Mar-20 Laugardagur 1 15-20
29-Mar-20 Sunnudagur 2 15-20
30-Mar-20 Mánudagur 3 18-23
31-Mar-20 Þriðjudagur 4 18-23
01-Apr-20 Miðvikudagur 5 18-23
02-Apr-20 Fimmtudagur 6 18-23
03-Apr-20 Föstudagur 7 18-23
04-Apr-20 Laugardagur 8 15-20
05-Apr-20 Sunnudagur 9 13-18

 

VERÐLAUN
  1. 75.000 kr.
  2. 45.000 kr.
  3. 30.000 kr.

Verðlaun skiptast eftir Hort-kerfi séu menn efstir í verðlaunasætum í áskorendaflokki. Tvö efstu sætin gefa keppnisrétt í landsliðsflokki árið 2021. Oddastigaútreikningur ræður séu menn jafnir í verðlaunasætum.

ODDASTIG
  1. Flestar tefldar skákir
  2. Buchholz-1
  3. Buchholz
  4. Sonneborn-Berger
  5. Innbyrðis úrslit
SKRÁNING

Þátttökugjöld eru 6.000 kr. Unglingar 15 ára og yngri (2003 og síðar) fá 50% afslátt. Titilhafar aðrir en CM/WCM fá frí þátttökugjöld.

Skráning fer eingöngu fram á Skák.is – gula kassanum. Ekki verður hægt að skrá sig til leiks á skákstað. Skráningarfrestur rennur út 27. mars kl. 15.

Þátttökugjöld greiðist inn á reikning 101-26-12763, kt. 580269-5409 fyrir lok skráningarfrests.