Eftirfarandi upplýsingapóstur var sendur til íslenskra skákfélaga í fyrr í dag.
————–
Kæru forystumenn skákfélaga.
Stjórn SÍ hélt stjórnarfund 2. febrúar sl. Þar voru ýmsar ákvarðanir teknar varðandi mótahald á næstunni. Helstu punktar eru.
EM einstaklinga – Kviku Reykjavíkurskákmótið
Ákvörðun um hvort mótið verði haldið 22. maí – 2. júní eða í ágúst/september verður tekin síðar í þessum mánuði.
Íslandsmót skákfélaga
Ákveðið að fresta síðari hlutanum fram í maí. Ef ekki verður unnt að klára mótið í maí verður mótinu aflýst.
Skákþing Íslands
Stefnt er að því að halda landsliðsflokk og Íslandsmót kvenna 1.-11. apríl nk. á höfuðborgarsvæðinu. Boðsbréf sent til keppenda á næstu dögum.
Undankeppni fyrir laust sæti á heimsbikarmótinu
Haldið í mars. Átta keppendur valdir eftir stigum og virkni. Sigurvegarinn fær keppnisrétt fyrir Íslands hönd á heimsbikarmótinu. Teflt verður eftir útsláttarfyrirkomulagi. Boðsbréf sent til keppenda á næstu dögum.
Íslandsmót skólasveita
Stefnt er Íslandsmóti barnaskólasveita, 1.-3. bekk, laugardaginn, 27. febrúar og Íslandsmóti barnaskólasveita (4.-7. bekk) og Íslandsmót grunnskólasveita helgina 20.-21. mars með fyrirvörum um sóttvarnareglur.
Fundargerðir SÍ og þar með talið nýjustu fundargerðina má finna hér: https://skak.is/skaksamband/fundargerdir/
