Taflfélag Garðabæjar er á toppnum með 9 stig af 10 mögulegum á Íslandsmóti skákfélaga að loknum fyrri hluta mótsins (fimm umferðum) sem fram fór um helgina. TG vann, 6½-1½, stórsigur á Skákfélagi Akureyrar í dag. Taflfélag Reykjavíkur er í öðru sæti með 7 stig eftir 3-5 tap gegn Skákdeild Fjölnis. Fjölnir er í þriðja sæti með 6 stig. Toppbaráttan er á milli þessara þriggja liða fyrir síðari hlutann sem fram fer í mars nk.
Skákdeild Breiðabliks vann sigur á Íslandsmeisturum Víkingaklúbbsins með minnsta mun. Breiðablik er í fjórða sæti með 4 stig, Vikingaklúbburinn hefur 3 stig og SA hefur 1 stig. Fallbaráttan er á milli þessara þriggja liða .
Mótinu verður gerð betri skil í pistli á morgun eða hinn.
Í gær fékk Sævar Bjarnason gullmerki SÍ afhent.
Einstaklingsúrslit 5. umferðar
Staðan
Veitt eru 2 stig fyrir sigur í viðureign en eitt fyrir jafntefli.
- TG 9 stig (27½ v.)
- TR 7 stig (24½ v.)
- Fjölnir 6 stig (21½ v.)
- Breiðablik 4 stig (15 v.)
- Víkingaklúbburinn 3 stig (16½ v.)
- SA 1 stig (15 v.)
Í öðrum deildum en úrvalsdeild eru búnar fjórar umferðir.
1. deild
Talfélag Vestmannaeyja er í efsta sæti með 7 stig, b-sveit SA er í öðru sæti með 6 stig. B-sveit TR, Skákdeild KR og SSON eru í 3.-5. sæti með 5 stig. Gríðarleg spenna í toppbáttunni fyri síðari hlutann.
2. deild
B-sveit Breiðabliks er á toppnum með 8 stig. Skákgengið er í öðru sæti með 6 stig. Skákdeild Hauka, b-sveit Fjölnis, c-sveit Taflfélags Reykjavíkur og Hrókar alls fagnaðar eru í 3.-6 .sæti með 4 stig. Mikl spenna fyrir síðari hlutann.
3. deild
C-sveit Skákfélags Akureyrar og d-sveit Taflfélags Reykjavíkur eru efstar með fullt hús stiga. Vinaskákfélagið er í þriðja sæti með 6 stig.
4. deild
Skákfélag Sauðárkróks er á toppnum með fullt hús stiga. E- og f-sveitir Taflfélags Reykjavíkur eru í 2-4. sæti ásamt c-sveit Breiðabliks með 6 stig.
