Íslandsmót barnaskólasveita 1.-3. bekk 2020, fer fram í íþróttahúsinu Smáranum, föstudaginn, 21. febrúar.

Tefldar verða átta umferðir eftir svissneska kerfinu. Umhugsunartími 5+2 á hvern keppenda. Mótið hefst kl. 9:15 og áætlað er að því ljúki með verðlaunaafhendingu um kl. 12:00. Húsið opnar kl. 8:00.

Hver skóli getur sent fleiri en eina sveit – en hver sveit er skipuð fjórum nemendum 1.-3. bekkjar (auk allt að fjögurra varamanna). 

Þátttökugjöld kr. 7.500.- á sveit. Þó ekki hærri en kr. 15.000.- fyrir hvern skóla. Frítt er fyrir sveitir utan höfuðborgarsvæðisins.

Veitt verða verðlaun fyrir efstu þrjár sveitirnar og einnig efstu b-e sveitir sem og þrjár efstu landsbyggðarsveitirnar.

Núverandi Íslandsmeistari barnaskólasveita (1.-3. bekkur) er Háteigsskóli. Nánar um mótið í fyrra hér.