Íslandsmeistarar Rimaskóla

Rimaskóli er Íslandsmeistari barnaskólasveita, 1.-3. bekkjar, eftir afar spennandi mót í Rimaskóla í dag. Melaskóli varð í öðru sæti, Lindaskóli, fráfarandi meistari varð í þriðja sæti. Þrettán skólar tóku en vegna samkomutakmarkana voru aðeins a-sveitir leyfðar. Skipt var í tvo riðla. Í öðrum riðlinum tefldu 7 sveitir en í hinum riðlinum tefldu 6 sveitir.  Tvær efstu sveitir hvors riðils tefldu svo í sérstakri úrslitakeppni.

A- riðill

Lindaskóli og Rimaskóli höfðu yfirburði og áunnu sér rétt til að tefla í úrslitakeppninni. Lindaskóli fékk hálfum vinningi meira. Vatnsendaskóli varð í þriðja sæti.

Skáksveit Íslandsmeistarara Rimaskóla skipuðu:

  1. Tristan Fannar Jónsson
  2. Emilía Embla B. Berglindardóttir
  3. Sigrún Tara Sigurðardóttir
  4. Ómar Jón Kjartansson
  5. Tara Líf Ingadóttir

Liðsstjóri var Helgi Árnason.

Lokastaðan á Chess-Results.

B-riðill

Melaskóli og Smáraskóli höfðu sömuleiðis mikla yfirburði. Komu jafnir í mark. Ísaksskóli varð í þriðja sæti.

Lokastaðan á Chess-Results.

Úrslitakeppnin

Melaskóli varð í öðru sæti.
Lindaskóli fékk bronsið.

Úrslitakeppnin varð æsispennandi. Aðeins munaði einum vinningi á fyrsta og þriðja sæti. Rimaskóli hlaut 7½ vinning, Melaskóli 7 vinninga og Lindaskóli 6½ vinning. Smáraskóli varð í fjórða sæti með 3 vinninga en segja má að árangur Smáraskóla hafi skipt sköpum því þeir fengu fleiri vinninga gegn sveitunum 2.-3. sæti en Íslandsmeisturunum.

Smáraskóli tók fjórða sætið.

Lokastaðan á Chess-Results.

Mótsstjóri var Stefán Bergsson. Auk hans voru Ingibjörg Edda Birgisdóttir og Gunnar Björnsson skákstjórar. Rimaskóli fær þakkir fyrir að lána húsnæði undir mótið.