Fyrsta mótið í skólaskákmótsveislu helgarinnar fór fram í gær í Rimaskóla. Svo fór að Smáraskóli vann sannfærandi sigur á Íslandsmóti 1.-3. bekkar. Sveitin hlaut 24½ vinning af 28 mögulegum. Fyrsti sigur Smáraskóla á þessu móti.
Sveit Íslandsmeistarara Smáraskóla skipuðu
- Halldóra Jónsdóttir (4/6)
- Kristján Freyr Páluson (6/6)
- Ásgeir Smári Darrason (6/6)
- Andrea Haraldsdóttir (3½/5)
- Sóley Una Guðmundsóttir (5/5)
Liðsstjóri var Jón Valentínusson.
Rimaskóli varð í öðru sæti með 22 vinninga. Eina sveitin sem náði að veita Smáraskóla einhverja keppni.
Árangur sveitarinnar í þriðja sæti vakti hins vegar gríðarlega athygli en þar endaði leikskólinn, Laufásborg. Gríðarlega eftirtektarverður árangur sem skákkennarinn, Omar Salama hefur náð þar. Þetta er í fyrsta skipti sem leiksskóli nær víðlíka árangri.
Rimaskóli vann verðlaun fyrir bestan árangur b-, c-, d- og e-sveita. Rétt er að vekja athygli á árangri e-sveitarinnar sem endaði í 7. sæti.
Í dag fer fram Íslandsmót, 4.-7. bekkjar. Þar eru 23 sveitir skráðar til leiks. Hægt verður að fylgjast með mótinu á Chess-Results.
Vakin er athygli á að foreldrar geta ekki verið í skáksalnum á meðan teflt er.
