Vatnsendaskóli vann sigur á Íslandsmóti barnaskólasveita sem fram fór í gær. Þriðja árið í röð sem Vatnsendaskóli vinnur mótið. Baráttan var hörð á milli skólans og Lindaskóla en þessar tvær sveitir höfðu mikla yfirburði.
Svo fór að Vatnsendaskóla vann Lindaskóla 3-1 í þriðju umferð í viðureign sem reyndist úrslitaviðureign því í lokin munaði aðeins 1½ vinningi á milli sveitanna.
Sveit Íslandsmeistarara Vatnsendaskóla skipuðu
- Mikael Bjarki Heiðarsson
- Jóhann Helgi Hreinsson
- Arnar Logi Kjartansson
- Guðmundur Orri Sveinbjörnsson
Liðsstjóri var Einar Ólafsson
Liðið fær keppnisrétt á NM í skólaskák sem fram fer í Danmörku í haust. Mótið hefur fallið niður tvisvar en ætti nú nú loks að geta farið fram!
B-sveit Lindaskóla tók bronsið og var einnig efst b-sveita.
Rimaskóli fékk verðlaun fyrir bestan árangur c-, d- og e-liða og líka b-sveita þar sem b-sveit Lindaskóla hafði þegar fengið verðlaun.
Í dag fer fram Íslandsmót grunnskólasveita. 4.-7. bekkjar. Þar eru 17 sveitir skráðar til leiks. Hægt verður að fylgjast með mótinu á Chess-Results.
Vakin er athygli á að foreldrar geta ekki verið í skáksalnum á meðan teflt er.
